Përkujtohet grushti i shtetit/ Tiranë, ambasadori turk: Mes 251 viktimave kishte edhe shqiptarë

Sot mbushen 5 vite nga tentativa e grushtit të shtetit që ndodhi në Turqi.

Ambasada turke në vendin tonë organizoi një aktivitet pranë memorialit të vendosur te Liqeni Artificial i Tiranës, për Ditën e Demokracisë dhe Unitetit Kombëtar të Turqisë. Autoritet turke fajësuan për trazirat klerikun Fetullah Gülen dhe organizatën “FETO” e shpallur terroriste nga Ankaraja zyrtare.

Një lutje për 251 njerëzit që humbën jetën në trazira dhe mbi 2000 të plagosurit që ranë për të mbrojtur demokracinë dhe lirinë e vendit.

“Pa ndërhyrë në punët e brendshme, iu gjendëm pranë turqve, ne shqiptarët, si vëllezër dhe miq të sinqertë. Për herë të parë jo vetëm organizatat, shoqatat dhe partitë politike, por I gjithë populli njëzëri, pa dallim, ngriti zërin dhe u solidarizuam me popullin turk.

Gjatë këtij akti terrorist më të përgjakshëm në historinë politike të Turqisë ranë dëshmorë 251 shtetas, mes të cilëve kishte me origjinë shqiptare. Ne ndjejmë keqardhje nga prezenca aktualisht në Shqipëri të strukturës FETO. Qëllimi I tyre është të shtrijnë në dorë shtetin, pushtetit, për këtë arsye FETO nuk është kërcenim I madh vetëm për Turqinë, por për çdo vend ku ajo zhvillon aktivitet. Ne jemi të vendosur t’i luftojmë metastazat e saj të përhapura si kancer, që cenojnë lirinë e demokracinë në vend dhe kudo ku shtrihet aktiviteti I rrezikshëm terrorist”, tha ambasadori turk, Murat Ahmet Yörük.

Top Channel