Blendi Sulaj bëhet pjesë e Këshillit Kombëtar të PD

Blendi Sulaj do të jetë një prej 300 anëtareve të rinj të Këshillit Kombëtar të Partisë Demokratike.

Në listën që u bë publike pak minuta më parë, vihet re edhe emri i Sulajt.

Ky i fundit, nuk është një emër i panjohur në opinionin publik.

Në zgjedhjet që lamë pas, ai ishte kandidat për deputet në Qarkun e Tiranës dhe njihet gjerësisht si një biznesmen që operon në kryeqytet.

Kjo lëvizje vjen një ditë pasi, kryedemokrati Lulzim Basha, por edhe kryetari i Komisionit Zgjedhor të PD, Jemin Gjana, thanë se në këshillin e ri, nga 300 anëtarë, 90 do të jenë zonja e zonjusha dhe 45 të rinj, që kryesisht kanë ardhur nga forumet rinore të partisë.

(BalkanWeb)

Për t’u bërë pjesë e grupit”Balkanweb” mjafton të klikoni: Join Group dhe kërkesa do t’ju aprovohet menjëherë. Grupi Balkanweb Etiketa: Blendi Sulaj Këshilli Kombëtar PD